ዓለም አቀፍ የሰላም አስከባሪ ኃይሎች የመልቀቂያ ጊዜ እየቀረበ ባለበት በዚህ ወቅት ታሊባን በመላ ሀገሪቱ ቁጥጥሩን እያሰፋ ወደ ፻፬ ወረዳዎች ያህል እንደደረሰ ዘገባው አስታውሶ፤ በተለይ የሀገሪቱ ክርስቲያኖች ላይ ያነጣጠረ ግድያዎችን እየፈጸመ መሆኑ ታውቋል፡፡  

የአፍጋኒስታን ክርስቲያን ማኅበረሰብ በአብዛኛው ከእስልምና ወደ ክርስትና እምነት የተቀየረ ሲሆን በተለይ እነዚህ ተመላሽ ክርስቲያኖች በአፍጋኒስታን  በግልጽ በሚንቀሳቀሱት ታሊባን እና አይ ኤስ ፅንፈኛ የሽብር ቡድኖች ተደጋገሚ ጥቃት ይፈጸምባቸዋል ሲል ዘገባው አስረድቷል፡፡

እንደ ኦፕን ዶርስ መረጃ ከሆነ ደግሞ “በአፍጋኒስታን ውስጥ አንድ ሰው ክርስቲያን ሆኖ በግልፅ መንቀሳቀስና መኖር እንደማይችል ነው፡፡ ዕምነትን ከእስልምና ወደ ክርስትና ሃይማኖት መቀየር ነውር ተደርጎ የሚቆጠርባት አፍጋኒስታን፤ ክርስትናን የተቀበሉ ሰዎች ከተገኙ አስከፊ ቅጣት እንደሚጠብቃቸው ዘገባው አስረድቶ ወይ ከሀገር መሰደድ አለባቸው፣አለበለዚያ ደግሞ ይገደላሉ ሲል አክሏል፡፡ 

በኦፕን ዶርስ መረጃ  መሠረት ክርስቲያኖችን በማሳደድ አፍጋኒስታንን የምትቀድመው ሀገር ሰሜን ኮሪያ ብቻ ስትሆን ይህም በዓለም ክርስቲያኖችን በማሳደድ ከተዘረዘሩት ሀገራት መካከል አፍጋኒስታንን በሁለተኛ ደረጃ ላይ አስቀምጧታል፡፡